बलिउड अभिनेता अक्षय कुमार, अभिनेत्री प्रियंका चोपडा र करीना कपूर खान अभिनीत फिल्म 'ऐतराज' को सिक्वेल बन्ने भएको छ।
हालै फिल्मका निर्माता सुभाष घीले फिल्मको सिक्वेल बन्ने बताएका हुन्। उनले यसको सिक्वेलमा अक्षय, करीना र प्रियंका नहुने बताएका छन्।
'ऐतराज रिलिज भएको २० वर्षभन्दा बढी भइसक्यो। अब अक्षय, करीना र प्रियंकालाई होइन नयाँ पुस्ताका कलाकारलाई लिएर सिक्वेल बन्ने छ,' उनले भने।
सन् २००४ मा प्रदर्शन भएको फिल्मलाई अब्बास मस्तानले निर्देशन गरेका थिए। तर 'ऐतराज २' लाई अमित रायले निर्देशन गर्नेछन्। उनले 'ओ माई गड २' निर्देशन गरेका थिए।
