हालै बलिउड अभिनेता विक्रान्त मासेले अभिनयबाट ब्रेक लिने खबर सार्वजनिक गरेका थिए।
कतिपय दर्शकले विक्रान्तले सधैंको लागि अभिनयबाट संन्यास लिन लागेको अनुमान लगाए। तर अभिनेताले केही समयपछि आफ्नो परिवारको लागि समय दिन ब्रेक लिन लागेको बताएका थिए। यसैबीच उनी आफ्नो आगामी फिल्म 'आँखोंकी गुस्ताखियाँ' को छायांकन सेटमा देखिएका छन्।
यो फिल्मको छायांकन देहरादूनमा भइरहेको छ। फिल्ममा उनीसँगै शनाया कपूरको अभिनय रहनेछ। भारतीय सञ्चारमाध्यम दैनिक जागरणका अनुसार 'आँखोंकी गुस्ताखियाँ' प्यार र रोमान्सको कहानी हो। फिल्मलाई सन्तोष सिंहले निर्देशन गर्दैछन्।
मानसी बागला र वरुण बागलाले निर्माण गरेको फिल्मको कथा निरञ्जन अयंगर र मानसी बागलाले लेखेका हुन्। फिल्ममा संगीत विशाल मिश्राको रहनेछ।
