बलिउड अभिनेत्री राधिका आप्टे आमा बनेकी छन्।
विवाह गरेको १२ वर्षपछि उनी आमा बनेकी हुन्। उनले छोरीलाई जन्म दिएकी छन्।
राधिकाले आफ्नो इन्स्टाग्राममा एक तस्बिर सार्वजनिक गर्दै उक्त जानकारी दिएकी हुन्। सार्वजनिक तस्बिरमा उनी आफ्नी छोरीलाई ब्रेस्टफिडिङ गरिरहेकी देख्न सकिन्छ।
'बेबीको जन्मको १ हप्तापछि पहिलो भेट,' उनले लेखेकी छन्।
राधिका आप्टेले २०१२ मा ब्रिटिश म्युजिक कम्पोजर बेनेडिक्ट टेलरसँग विवाह गरेकी थिइन्। उनीहरूको सन् २०११ मा लन्डनमा भेट भएको थियो।
