बलिउड अभिनेता जोन अब्राहम १७ डिसेम्बरमा आफ्नो ५२ औं जन्मदिन मनाउँदैछन्।
उनी निकै विलाशी जीवन जिउँछन्। भारतीय सञ्चारमाध्यम नवभारत टाइम्सका अनुसार उनीसँग २५१ करोड भारू सम्पत्ति छ। उनी फिल्म, विज्ञापन र व्यवसायबाट कमाइ गर्छन्।
उनी इन्डियन सुपर लिग फुटबल टिम नर्थइस्ट युनाइटेड एफसीका मालिक हुन्। साथै उनी अमेरिकास्थित स्वास्थ्य र पोषण कम्पनी जिएनसीका फ्रेन्जाइजी पार्टनर हुन्।
जोन पछिल्लो समय फिल्म 'वेदा' मा देखिएका थिए। उनले ५० भन्दाबढी फिल्ममा अभिनय गरिसकेका छन्।
