दक्षिण भारतीय अभिनेता प्रभासको फिल्म 'द राजा साब' को प्रदर्शन मिति सरेको छ।
हालै उनको जन्मदिनको अवसर पारेर फिल्मको एक मोशन पोस्टर सार्वजनिक गरिएको थियो। मोशन पोस्टर सार्वजनिक भएपछि फिल्मलाई लिएर दर्शक उत्साहित थिए। यो फिल्म अप्रिलमा प्रदर्शन हुने भनिएको थियो। तर फिल्मको प्रदर्शन मिति सरेको छ।
हिन्दी फिल्म बजार विश्लेषक मनोबाला विजय बालनले एक्समा एक पोस्ट सार्वजनिक गर्दै उक्त जानकारी दिएका हुन्। तर यो फिल्मको प्रदर्शन मिति सार्नुको कारण खुलाइएको छैन।
रोमान्टिक हरर जनराको फिल्म पाँच भाषामा रिलिज हुनेछ।
प्रभास 'द राजा साब' बाहेक राघवपुडीको फिल्ममा देखिनेछन्। यस फिल्मको नाम 'फौजी' हुने बताइएको छ।
