दक्षिण भारतीय र हिन्दी दुवै फिल्ममा आफ्नो अभिनय देखाएकी पूजा हेगडेलाई दर्शकले खुब रूचाउँछन्।
उनको चुलबुले अन्दाजलाई दर्शकले निकै रूचाउँछन्। उनी अब शाहिद कपूरसँग फिल्म 'देवा' मा देखिँदैछिन्। यसैबीच उनी नयाँ फिल्ममा अनुबन्धित भएको खबर बाहिरिएको छ।
भारतीय सञ्चारमाध्यम दैनिक जागरणका अनुसार उनी हरर फिल्म 'कंचना ४' मा देखिन लागेकी हुन्। स्क्रिप्ट सुन्ने बित्तिकै पूजाले फिल्म स्वीकार गरेकी थिइन्।
यस फिल्ममा अभिनेत्री नोरा फतेहीको पनि अभिनय रहने बताइएको छ। फिल्मलाई मनीष शाहले निर्देशन गर्नेछन्।
'कंचना' फिल्म फ्रेन्चाइजी निकै हिट रह्यो। यसको सबै भागलाई दर्शकले खुब रूचाए। अहिलेसम्म फिल्मको तीन भाग आयो। चौथो भाग आउने तयारीमा छ। भारतीय सञ्चारमाध्यमका अनुसार फिल्मलाई विशेष बनाउन निर्माताहरू निकै प्रयास गरिरहेका छन्।
