एकता कपूरको टेलिभिजन शृंखला 'नागिन' खुब हिट रह्यो। अहिलेसम्म यसको ६ सिजन प्रसारण भइसकेको छ।
एकता कास्टिङमा निकै ध्यान राख्छिन्। उनको हरेक नागिन उत्कृष्ट हुन्छिन्। दर्शकले हरेक पटक नागिन सिरिजमा केही नयाँ देख्न पाउँछन्। अब एकताले 'नागिन ७' को घोषणा गरेकी छन्।
उक्त जानकारी उनले आफ्नो इन्स्टाग्राममा एक भिडिओ पोस्ट गर्दै दिएकी हुन्। क्याप्सनमा उनले लेखेकी छन्, 'नागिन ७!'
भिडिओमा उनले भनेकी छन्, 'जो कोही नागिन को हो भन्ने जान्न चाहनुहुन्छ। त्यसोभए यो केटी हाम्लाई बताउँछिन् कि नागिन को हुन्?।'
एकताले सार्वजनिक गरेको भिडिओमा ३–४ जना केटीलाई देख्न सकिन्छ। उनीहरूसँग एकता मिटिङ बसिरहेकी हुन्छिन्।
यसअघि एकताले मोनी राय, करिश्मा तन्ना, सुरभि ज्योति, हिना खान, तेजस्वी प्रकाश, निया शर्मा, अदा खान, अनीता हसनन्दानी, सुरभि चन्दनालगायत अभिनेत्रीलाई नागिन बनाएकी थिइन्।
