दक्षिण भारतीय अभिनेता धनुष र अभिनेत्री सोनम कपूर अभिनीत फिल्म 'रांझणा' फेरि हलामा प्रदर्शन हुने भएको छ।
सन् २०१३ मा प्रदर्शन भएको फिल्ममा धनुष र सोनमको जोडीलाई दर्शकले खुब रूचाएका थिए। पिभिआर सिनेमाजले आफ्नो इन्स्टाग्राममार्फत उक्त जानकारी दिएका हुन्। यो फिल्म २८ फेब्रुअरीदेखि हलमा रिलिज हुनेछ।
आनन्द एल राई निर्देशित फिल्ममा धनुष र सोनमसँगै स्वरा भास्कर, अभय देओल र जिशान अयुबको पनि अभिनय छ।
फेब्रुअरी २८ मा नै 'तुम्बाड' अभिनेता तथा निर्देशक सोहम शाहको फिल्म 'क्रेजी' पनि रिलिज हुँदैछ।
यतिबेला धनुष आनन्द एल रायको फिल्म 'तेरे इश्क में' मा व्यस्त छन्। फिल्ममा धनुष र कृति सेननको अभिनय रहनेछ।
