भारतीय अभिनेत्री माहिरा शर्मा प्रेम सम्बन्धमा रहेको खबर बाहिरिएको छ।
केही दिनदेखि लगातार उनको प्रेम सम्बन्धलाई लिएर खबर आइरहेको छ। भारतीय सञ्चारमाध्यम नवभारत टाइम्सका अनुसार उनी क्रिकेटर मोहम्मद सिराजसँग प्रेम सम्बन्धमा छिन्।
हालै एक अन्तर्वार्तामा माहिराले क्रिकेटर मोहम्मद सिराजसँग प्रेम सम्बन्धमा नरहेको बताएकी छन्। उनले भनिन्, 'म यस्तो खबरमा केही प्रतिक्रिया दिन चाहन्नँ। मेरो नाम को स्टारसँग पनि जोडिइरहेको हुन्छ। जसलाई म कन्ट्रोल गर्न सक्दिनँ।'
माहिरा 'बिग बोस १३' बाट चर्चामा आएकी हुन्। उक्त शोमा उनको नाम पारस छाबडासँग जोडिएको थियो। करिब दुई वर्ष पहिला उनीहरूको ब्रेकअप भएको खबर बाहिरिएको थियो।
