अभिनेता इमरान खान र अवन्तिका मलिकले दुई वर्षअघि सम्बन्ध विच्छेद गरेका थिए।
हालै अवन्तिकाले सम्बन्ध विच्छेदको बारेमा कुराकानी गरेकी छन्। उनले एक-अर्कालाई सम्मान गरे पनि साथीको जस्तो पनि सम्बन्ध नरहेको बताइन्।
नयनदीप रक्षितको युट्युब च्यानलमा कुराकानी गर्दै उनले भनिन्, 'हामी दुवैले यस सम्बन्धमा आफ्नो सतप्रतिशत दिएका थियौं। साथै हामीले निकै राम्रो समय पनि बितायौं। मलाई थाहा छ कि हामीले पुरै इमानदारी र मेहनतका साथ वैवाहिक सम्बन्धलाई निर्वाह गर्ने कोसिस गरौं। तर पनि हामी अलग हुनुपर्याे। हामीबीच तालमेल नमिलेपछि छुट्नु नै ठिक लाग्न थाल्यो। हामी कुराकानी त गर्छाै तर हामीबीच साथीको जस्तो पनि सम्बन्ध छैन।'
इमरान पछिल्लो समय बलिउडमा सक्रिय छैनन्। उनी सन् २०१५ मा फिल्म 'कट्टी बट्टी' मा देखिएका थिए। इमरानले बलिउड फिल्ममा काम पाउन छाडेपछि आर्थिक समस्या झेलिरहेका थिए। आर्थिक समस्याका कारण इमरान र उनकी पत्नीबीच मनमुटाव सुरू भएको बताइएको छ।
उनीहरूले २०११ मा विवाह गरेका थिए। उनीहरूको एक छोरी इमारा खान छिन्। अवन्तिकाले २०१४ मा छोरीलाई जन्म दिएकी थिइन्। छोरीको जन्मपछि पनि उनीहरूबीच राम्रो सम्बन्ध कायम हुन सकेन। अनन्तः उनीहरूले सम्बन्धविच्छेद गर्ने निर्णय लिए।
