भारतीय अभिनेता कमल हासनको फिल्म 'ठग लाइफ' ले बक्स अफिसमा औसत कमाइ गरेको छ।
भारतीय सञ्चारमाध्यम नवभारत टाइम्सका अनुसार फिल्मले १७ करोड भारू कमाएको छ।
यो फिल्म किसिङ सीन र कमल हासनले कन्नड भाषालाई लिएर दिएको बयानको कारण विवाद भइरहेको थियो। यो फिल्म कर्नाटकमा रिलिज भएको छैन।
यो फिल्मको बजेट २७० करोड बताइएको छ।
मणि रत्नम निर्देशित फिल्ममा कमल हासन, सिलाम्बरासन, तृषा कृष्णन, महेश मान्जरेकर, अली फजल, ऐश्वर्या लक्ष्मीलगायत कलाकारको अभिनय छ।
कमल हासन र मणि रत्नमले पछिल्लो समय सन् १९८७ मा फिल्म 'नायकन' मा एकसाथ काम गरेका थिए। उनीहरूले ३६ वर्षपछि एकसाथ काम गरेका हुन्।
