'वार २' सन् २०२५ को सबभन्दा प्रतिक्षित बलिउड फिल्महरूमध्ये एक हो, जसले पहिलो पटक ऋतिक रोशन र जुनियर एनटीआरलाई एकसाथ पर्दामा ल्याएको छ। यो फिल्म अगस्ट १४ अर्थात यही बिहीबारदेखि विश्वव्यापी प्रदर्शनमा आउँदैछ।
'वार २' यशराज फिल्मको स्पाई युनिभर्सको एक हिस्सा भएकाले यसको अन्तिम क्रेडिट सिक्वेन्समा सलमान खान र शाहरूख खानको उपस्थितिको बारेमा विभिन्न अनुमानहरू समेत भइरहेका छन्। यी दुईका लोकप्रिय पात्रहरू, टाइगर र पठान समावेश हुने अनुमान व्यापक थियो। तर 'वार २' मा दुवै सुपरस्टारहरू नरहेको भारतीय संचारमाध्यम बलिउड हंगामाले उल्लेख गरेको छ।
बलिउड हंगामाले स्रोतलाई उद्धित गर्दै भनेको छ, 'वार २ मा टाइगर वा पठान दुवैलाई समावेश गरिने छैन, यद्यपि, फिल्मको केही प्रमुख मोडहरूमा उनीहरूको नाम प्रयोग गरिनेछ।'
स्रोतका अनुसार 'वार २' मा दर्शकले बरू अभिनेता बबी देओललाई केमियो भूमिकामा देख्न पाउने भएका छन्। देओललाई सम्भवतः पोस्ट–क्रेडिट दृश्यमा नयाँ खलनायकको रूपमा प्रस्तुत गरिनेछ।
वार सिक्वेलको अन्तिम क्रेडिट सिक्वेन्समा उनको क्यामियो उपस्थितिले युनिभर्सको अर्को अध्यायको लागि महत्वपूर्ण निर्माणको रूपमा काम गर्नेछ।
ऋतिक रोशन, जुनियर एनटीआर र कियारा आडवाणी अभिनीत 'वार २' हिन्दी, तमिल र तेलुगुमा रिलिज हुने तय तयारी छ। अयान मुखर्जीद्वारा निर्देशित यो फिल्म स्पाई युनिभर्सको छैठौं अध्याय हो।
यो फिल्म नेपालमा पनि बिहीबारदेखि नै प्रदर्शन तयारीमा छ।
-1746009348.jpg)
