पछिल्लो समय सामाजिक सञ्जालमा चर्चामा रहेको गीत 'पहिलो हाँसो, पहिलो बोली' अस्मिता अधिकारीको स्वरमा सार्वजनिक भएको छ।
'अस्मिता अधिकारी भर्सन' भनिएको गीत 'जीबी चिरन' युट्युबबाट सार्वजनिक गरिएको हो। शब्दमा भीम पौडेल र भावन लिम्बु (योङहाङ)को नाम उल्लेख छ। संगीत विश्वास नेपाल र पुस्कर खत्रीको छ। भिडिओमा जीबी चिरन (चिरञ्जीवी सापकोटा), दिया जीसी र साजन कार्की फिचर्ड छन्।
'पहिलो हाँसो, पहिलो बोली' गीत पछिल्लो समय टिकटक, रिल्सलगायतका प्लेटफर्ममा निकै चर्चामा छ। खासगरी एआईको सहायतामा गीत बनाइएको भनेर यसको बढी चर्चा भएको थियो।
अस्मिता अधिकारी भर्सन आहा प्रोडक्सनले प्रस्तुत गरेको हो। सम्बन्धित व्यक्तिसँग गीतको सर्वाधिकार लिएर 'पहिलो हाँसो, पहिलो बोली' बजारमा ल्याएको आहा प्रोडक्सनले जनाएको छ।
-1746009348.jpg)
