दाङको तुलसीपुर उपमहानगरपालिकामा ९६२५ गन्दा नेपाली कांग्रेसका मेयरका उम्मेदवार गेहेन्द्र गिरीले अग्रता लिइरहेका छन्।
पछिल्लो मत परिणामअनुसार गठबन्धनका उम्मेदवार गिरीले ४२१२ मत प्राप्त गरेका छन्।
निकटतम प्रतिद्वन्द्वी नेकपा एमालेका मेयर पदमा उम्मेदवार टीकाराम खड्काले ४०७६ मत प्राप्त गरेका छन्।
कांग्रेसका गिरी एमालेका खड्का भन्दा १३६ मतले अगाडि छन् ।
उपमेयर पदमा एमालेकी उम्मेदवार श्यानी चौधरीले सुरू देखिकै अग्रता कायम राखेकी छिन्। चौधरीले ३९४९ र गठबन्धनबाट उपमेयरका उम्मेदवार नेकपा एकीकृत समाजवादीका जोगबहादुर राना मगरले ३४३२ मत प्राप्त गरेका छन्।
एमालेकी चौधरी राना भन्दा ५१७ मतले अगाडि छिन्।
अहिले वडा नं. ३,४ र ५ मा मतगणना चलिहरेको छ। तुलसीपुर १ र २ नम्बर वडाको मात्रै मतगणना सकिएको छ। १ मा गठबन्धनबाट माओबादी केन्द्र र २ नम्बर वडामा एमालेका वडा अध्यक्ष विजय भएका छन्।
