अमेरिकी राष्ट्रपति डोनाल्ड ट्रम्पले इस्लामिक स्टेट (आईएस) ले कब्जा गरेको भूमि फिर्ताको घोषणा छिट्टै हुने दाबी गरेका छन् ।
उनले सिरियाका जिहादीहरु परास्त भएको दाबी गर्दै अमेरिकी सेना त्यहाँबाट फिर्ता गर्ने घोषणा गरेका थिए । जसको अमेरिकामा ठुलो विरोध समेत भएको थियो ।
ट्रम्पले आईएसले कब्जामा लिएको थोरै भूभाग मात्र नियन्त्रणमा आउन बाँकी रहेको समेत दाबी गरे । ती भूभाग पनि छिट्टै अमेरिकी गठबन्धन सेनाको नियन्त्रणमा आउँछ उनले भने ।
वासिङ्टनमा आयोजित अमेरिकी नेतृत्वको गठबन्धन सदस्यहरूको बैठकमा ट्रम्पले अर्को सातासम्म आईएस पराजित भएको घोषणा गर्न सकिने बताएका छन् ।
सम्भवतः अर्को सातासम्म स्लामिक स्टेटको प्रभुत्व रहेको क्षेत्रको शतप्रतिशत भूभाग नियन्त्रणमा आएको घोषणा हुनेछ’, गठन बन्धन बैठकमा ट्रम्पले राखेको भनाइ उद्धृत गर्दै बीबीसले लेखेको छ ।
आईएसको पकडमा रहेको क्षेत्रलाई नियन्त्रणमा लिन अमेरिकी नेतृत्वको सेना सन् २०१४ देखि त्यहाँ लडिरहेको छ ।
