एक त आमा गुमाउनु, त्यो पनि आफु पर्देशिएको बेला। आमा गुमाउदाको चोट त् कति छ कति, त्यो पिडा झन् बल्झिन्छ जब आमाको अन्तिम बिदाईमा सहभागी हुन स्वदेश फर्किन पनि गार्हो हुन्छ।
परदेशीहरुको त्यहि पीडालाई मार्मिक शब्दमा उतारेका छन् अमेरिकाको टेक्सासमा बस्ने पत्रकार तथा गीतकार शिव शर्मा चञ्चलले।
देश छाडेर परदेशीएकाहरुलाई चस्क पार्ने मन मार्मिक गीत आमाको आसु ल्याएका छन् । उनले आफनै दिवंगत आमा जमुना कुमारी भट्टराईको वार्षिक पुण्य तिथिको अवसर पारेर आमालाई सम्झदै गीत ल्याएका हुन । यो मेरो आमाको मात्र नभई सबै परदेशीहरुको सामुहिक गीत हो’ उनले भने–‘परदेशमा रहदा घरपरिवार गुमाउदाको पीडा संगै परदेशको पीडा यसमा पोखिएको छ ।’
अमेरिकाको टेक्ससको युलेस स्थित फिस्टेल नेपाली रेष्टुरेन्टमा शनिवार गीतको भीडियो एक कार्यक्रमका बीच सार्वजनिक गरिएको हो । गीतले कार्यक्रममा उपस्थित धेरैका आखा रसाए । कार्यक्रममा बोल्दै वरिष्ट चलचित्र निर्देशक नारायण पुरीले गीतले सबै परदेशीलाई छुने हदयविदारक भएको बताए । ‘गीत राम्रो लागेर भीडियो निर्माणका लागी पहल गरे’ निर्देशक पुरीले भने–गीतले आमा संगै माटो र देश बोलेको छ ।
लेखक तथा निर्देशक शैलेश आचार्यले गीतका भावुक शब्दले सबै परदेशीको आ“त छाम्ने बताए । धेरै यथार्थ गीतले बोलेको छ’ उनले भने–‘आमा हुने र नहुने सबैलाई यो गीतले सन्देश दिनेछ ।’
कार्यक्रममा बोल्दै एनआरएनका पुर्व उपाध्यक्ष तथा युवा व्यवसायी राम सि पोखरेलले गीतले आफुलाई भावुक बनाएको बताउदै गीतले सबैलाई छुने बताए । उनले स्वर शब्द र भीडियोले गीत उत्कृष्ट बनेको छ उनले भने–‘आमाको वार्षिक तिथी गीत नै सार्वजनिक गरेर सर्मपण गर्नु ठुलो उपलब्धी मान्नुपर्छ । ’
प्राध्यापक तथा साहित्यकार प्रभात दिक्षितले गीतले आफनो आखा रसाएको बताउदै पछिल्लो क्रममा परदेशीहरुका लागी यो गीत मन छुने बताए । उनले भने– यो केवल स्रष्टाको मात्र नभई जीवित र दिवंगत आमाहरुको गीत हो ।
कार्यक्रममा नेपाली समाज टेक्ससका सचिव डा परशुराम दादाल, नेपाल अमेरिका पत्रकार संघका उपाध्यक्ष विकासराज न्यौपाने, सचिव सुरज श्रेष्ठले आमाको आसु सबै परदेशीको पीडा भएको बताएका थिए ।
गीतले परदेशमा रहदा आफन्त गुमाउदाको पीडा देखि स्वदेशको मायालाई समेत गीतमा उतारिएको छ । यो मार्मिक गीतलाई गोविन्द मधुर आचार्यले सुमधुर आवाज दिएका छन् । गीतमा उनलाई गायिका वसन्ता प्रकृतिले साथ दिएकी छन् । गीतमा संगीत र एरेन्ज समेत गायक आचार्यले गरेका छन् ।
गीतलाई युएस खबर डटकमका संचालक किसन रेग्मीले निर्माणमा सहयोग गरेका हुन । म्युजिक भिडियो समेत निर्माण भएको गीतलाई शिव पुरीले निर्देशन तथा सम्पादन गरेका हुन । रामेश्वर कार्कीको छायाङकन रहेको गीतमा आमाको भुमिकामा रंगमञ्चीय कलाकार अन्जु देउजा, राजा कुमार घोष, रेगन क्षेत्री र हरि दवाडीले अभिनय गरेका छन् । वरिष्ट चलचित्र निर्देशक नारायण पुरीको अवधारणा अनुरुप नै गीतको भीडियो निर्माण भएको हो ।
