युवा पुस्ताका चर्चित गायक सविन राईले अस्ट्रेलियाको विभिन्न सहरहरूमा आफ्नो प्रस्तुति दिने भएका छन्।
उनी समर्पण टुर अस्ट्रेलिया २०२४ नामक कार्यक्रममा आफ्ना प्रस्तुतिहरू दिन अस्ट्रेलियाका विभिन्न सहरहरूमा आउन लागेकोे जानकारी समर्पण टुर अस्ट्रेलिया २०२४ का आयोजक प्रदीप पाठकले जानकारी दिए।
सविन राईका गुराँसको फेदमुनि, तिमी नै हौ, जब तिमी, जाऊँ कि आऊँ लगायत दर्जनौं गीतहरू युवाहरूमाझ लोकप्रिय छन्।
पछिल्लो समय युवा पुस्ता माझ रूचाइएका र बढी क्रेज भएका गायकको रूपमा स्थापित सविन राई अस्ट्रेलिया टुरका लागि मार्च ६ तारिखका दिन अस्ट्रेलियाको सिड्नी आइपुग्ने भएका छन्।
उनको सांगीतिक यात्रा भने मार्च ८ तारिखका दिनदेखि सुरू हुने जानकारी दिइएको छ।
मार्च ८ माडार्बिनमा गीत–संगीत प्रस्तुत गरेर सविन राईले अस्ट्रेलियाको आफ्नो सांगीतिक यात्रा सुरू गर्ने भएका छन्। यसैगरी मार्च ११ र १२ सिड्नी, मार्च १४ ताजमनियाको तास्मानियाको लन्चेष्टन, मार्च १५ तास्मनियाको होबार्ट, मार्च १८ मा मेलबर्न, मार्च २१ एडिलेट, मार्च २४ पर्थ,मार्च २७ मा ब्रिसबेन र मार्च २८ का दिन राजधानी क्यानबेरामा उनको समूहले सांगीतिक प्रस्तुति प्रस्तुत गर्ने कार्यक्रम छ।
गायक सविन राईको समूह मार्च ३१ तारेख अस्ट्रेलियाको सांगीतिक यात्राको बिट मार्दै नेपाल फर्कने आयोजक पाठकले जानकारी दिए।
पाठकले सिड्नीको सांगीतिक कार्यक्रमको टिकट समेत लगभग बिक्री भइसकेको बताए। प्रवासका संगीतप्रेमी स्रोतासमक्ष स्तरीय संगीत पस्कने आफ्नो अभियान अन्तर्गत सविन राईको अस्ट्रेलिया यात्रा सम्भव भएको पाठकले सुनाए।
