बजारमा कोइरालोको मूल्य स्थिर छ।
कालीमाटी बजार विकास समितिको तथ्यांक हेर्दा तीन/चार दिनदेखि कोइरालोको मूल्य स्थिर छ।
हाल बजारमा कोइरालो प्रतिथोक मूल्य दुई सयदेखि दुई सय २० रूपैयाँ छ।
तीन/चार दिनअघि पनि कालीमाटी बजारमा कोइरालो सोही मूल्यमा बिक्री भइरहेको थियो।
चैत कोइरालोको मुख्य सिजन हो। कोइरालो विशेषगरी धादिङको धुनेबेशी नगरपालिकाको जीवनपुर, केबलपुर, छत्रेदेउराली लगायत विभिन्न ठाउँबाट आउने गरेको छ।
व्यवसायीहरूका अनुसार कोइरालो यो महिनाभरी आउने छ। कोइरालो ओइलाउने र बिग्रिहाल्ने भएकाले धेरै समय राख्न सकिँदैन।
कोइरालो एक प्रकारको वनस्पति हो। यसको फूलको अचार बनाएर खाने गरिन्छ।
