बजारमा स्ट्रबेरीको सिजन सुरू भएको छ।
फलफूल व्यवसायीका अनुसार अहिले नुवाकोट, काभ्रे, चितवन लगायतका क्षेत्रबाट स्ट्रबेरी आइरहेको छ। बजारमा मंसिरदेखि चैतसम्म स्ट्रबेरी आउँछ। त्यसमध्ये पुस र माघ मुख्य सिजन हो।
कालिमाटी तरकारी बजार विकास समितिले सार्वजनिक गरेको मूल्य सूचीअनुसार स्ट्रबेरी प्रतिकिलो थोक मूल्य ४ सय ५० देखि पाँच सय रूपैयाँमा कारोबार भइरहेको छ।
आपूर्ति बढेसँगै स्ट्रबेरीको मूल्य घट्दै जाने छ।