पहिलो नेपाल मोबिलिटी एक्स्पोमा ३५ नयाँ सवारी साधन सार्वजनिक गरिने भएको छ।
नेपाल अटोमोबाइल इम्पोर्टर्स एन्ड म्यानुफ्याक्चर्स एसोसिएसन (नाइमा) ले सोमबार गरिएको पत्रकार सम्मेलनमा यो जानकारी गराइएको हो।
एक्स्पो साउन २१ देखि २५ गतेसम्म भृकुटीमण्डपमा आयोजना हुँदैछ।
अटो एक्स्पो समिति संयोजक शिरीष कुमार मुरारकाले यस पटक नयाँ प्रविधि र मोडलहरू सार्वजनिक हुने बताए। प्रदर्शनीमा विद्युतीय सवारी साधनदेखि नवीनतम मोबिलिटी समाधानहरू राखिनेछन्।
यस वर्ष १५ वटा दुई पाङ्ग्रे, १५ वटा चार पाङ्ग्रे, र ५ वटा कमर्सियल गाडीहरू सार्वजनिक हुनेछन्। नाइमा एक्स्पोको मुख्य प्रायोजक संस्थाहरू एभरेस्ट बैंक लिमिटेड र नेशनल लाइफ इन्सुरेन्स कम्पनी छन्। यस
प्रदर्शनीमा खल्ती बाइ आइएमई टिकटिङ, माउन्टेन ड्यू बेभरेज, हिमालयन जाभा ब्रुइङ, पठाओ राइड, एचआईके भिजन सर्भिलेन्स, वर्ल्डलिङ्क कनेक्टिभिटी, सोल्टी होटल हस्पिटालिटी, फ्रन्टलाइन हस्पिटल मेडिकल, एनसेल टेलिकम र मिडिया स्पेस सोलुसन म्यानेजमेन्ट पार्टनरको रूपमा छन्।
प्रदर्शनीका आगन्तुकहरूका लागि प्रायोजक कम्पनीहरूले विशेष प्रावधानको व्यवस्था गरेका छन्। राइड पार्टनर पठाओले प्रदर्शनीका लागि भृकुटीमण्डप गन्तव्य भएका राइडहरूमा ३० प्रतिशतसम्मको छुट दिने बताइएको छ।
मेडिकल पार्टनर फ्रन्टलाइन हस्पिटलले प्रदर्शनीस्थलमा २४ घण्टा एम्बुलेन्स व्यवस्थापनसहित आकस्मिक तथा सामान्य चिकित्सा सेवा प्रदान गर्ने उल्लेख।
संस्थाले प्रदर्शनीका लागि विशेष अनलाइन प्रतियोगिता पनि सार्वजनिक गरेको छ।
यो प्रतियोगितामा साउन २१ सम्ममा नाडा अटो एक्स्पो सम्बन्धित भिडिओ बनाएर सामाजिक सञ्जालमा अपलोड गर्ने एक उत्कृष्ट प्रतिस्पर्धीलाई एक लाख रुपैयाँ र साउन २१ देखि २५ सम्म अपलोड भएका १० उत्कृष्ट भिडिओहरूलाई प्रत्येक दश हजार रुपैयाँ नगद पुरस्कार दिने उल्लेख छ।
प्रदर्शनीको पहिलो दिन बिहान ११ बजेदेखि ५ बजेसम्म ‘मोबिलिटी हिजो, आज, र भोलि’ विषयमा सेमिनार सञ्चालन हुने जनाइएको छ।
नाइमा अध्यक्ष रितुसिंह वैद्यले ‘नाडा मोबिलिटी एक्स्पो २०२५ नेपालको सबैभन्दा ठूलो र महत्त्वपूर्ण अटोमोबाइल प्रदर्शनी बन्ने बताइन्।
-1746009348.jpg)
