विश्वव्यापी अटोमोटिभ क्षेत्रमा अग्रस्थानमा रहेको कम्पनी महिन्द्रा एन्ड महिन्द्रा लिमिटेडले नाइमा नेपाल मोबिलिटी एक्स्पोको अवसरमा नेपाली बजारको लागि नयाँ कम्प्याक्ट एसयुभी एक्सयुभी थ्रि-एक्स-ओ सार्वजनिक गरेको छ।
आकर्षक तथा अलग डिजाइन, अत्याधुनिक प्रविधि, उच्चस्तरको (स्पिरिटेड) परफर्मेन्स र विश्वस्तरीय सुरक्षाको संयोजनको रूपमा आएको 'सेगमेन्ट डिसरप्टर' एक्सयुभी थ्रि-एक्स-ओले कम्प्याक्ट-एसयुभीको सेग्मेन्टमा नयाँ मापदण्ड तथा परिभाषा बनाएको छ।
एक्सयुभी थ्रि-एक्स-ओ का यी सुविधा र विशेषताले गर्दा यसले आफ्नो 'एभ्रिथिङ यु वान्ट एण्ड मोर' (तपाईंले चाहेको सबै र अझै धेरै) भन्ने स्लोगनलाई प्रतिनिधित्व गर्दछ।
एक्सयुभी थ्रि-एक्स-ओ नेपालमा पाँचवटा पेट्रोल भेरियन्टमा उपलब्ध हुनेछ जसको मूल्य ४४ लाख ९० हजारदेखि सुरू हुनेछ।
सम्पूर्ण भेरियन्टको लागि बुकिङ सुरू भएको छ भने नेपालमा महिन्द्राको आधिकारिक वितरक अग्नि ग्रुपमार्फत नाइमामा डेलिभरी हुनेछ।
महिन्द्रा एन्ड महिन्द्रा लिमिटेडका अटोमोटिभ डिभिजन अन्तर्गत इन्टरनेसनल अपरेसन्सका प्रमुख सचिन अरोलकरले भने, 'हामी एक्सयुभी थ्रि-एक्स-ओ लाई नेपालमा सार्वजनिक गर्न पाउँदा निकै हर्षित र गौरवान्वित छौँ। यसको आकर्षक र अलग डिजाइन, प्रिमियम सुविधाहरू र उच्चस्तरको सुरक्षात्मक विशेषताहरूले गर्दा थ्रि-एक्स-ओले आधुनिक ग्राहकहरूको आकांक्षा (एस्पिरेसन)लाई प्रतिबिम्बित गर्दछ। नेपाल हाम्रो लागि एक महत्वपूर्ण देश हो र एक्सयुभी थ्रि-एक्स-ओ ले यसको सेगमेन्टमा ग्राहकहरूलाई हरेक पक्ष, हरेक शैली, गुणस्तर तथा मूल्यमा कुनै सम्झौता नगरी नयाँ मापदण्ड कायम गर्नेमा हामी विश्वस्त रहेका छौँ।
एक्सयुभी थ्रि-एक्स-ओले स्पोर्टी र बोल्ड डिजाइन सहितको एथलेटिक सिलुएट (बनोट) प्रस्तुत गर्छ। अगाडि रहेको फ्रन्ट ग्रिल र अलग हेडलाइट डिजाइन यसको प्रमुख आकर्षणको विन्दु बन्दछ।
त्यसैगरी पछाडि फैलिएको 'इन्फिनिटी एलइडी टेल ल्याम्प', प्रिमियम लेदरेट सिटहरू, सौम्य इन्टेरियर र 'प्यानोरामिक स्काइरुफ'ले यसलाई झन् आकर्षक बनाउँदछ।
इन्टेरियरमा एक्सयुभी थ्रि-एक्स-ओ ले कम्प्याक्ट एसयुभीको परिभाषा नै फेरिदिन्छ।
१०.२५ इन्चको 'ड्युअल हाइ-रिजोलुसन स्क्रिन', हार्मन कार्डन अडियो सिस्टम, वायरलेस एप्पल कारप्ले र एन्ड्रोइड अटो, र ६५ वाटको युएसबी-सि फास्ट चार्जरसहितका विशेषताहरू यसमा उपलब्ध छन्।
विश्वस्तरको मापदण्ड पूरा गर्न डिजाइन, डेभलभमेन्ट तथा इन्जिनियरिङ गरिएको यो गाडीले ग्राहकहरूको लागि उत्कृष्ट गुणस्तर र परफर्मेन्स सुनिश्चित गर्दछ।
परफर्मेन्समा पनि एक्सयुभी थ्रि-एक्स-ओ उत्तिकै आकर्षक रहेको छ। महिन्द्राको एम-स्टालियन १.२ लिटर टर्बो-पेट्रोल इन्जिनबाट सञ्चालित एक्सयुभी थ्रि-एक्स-ओ ले ८२ किलोवाट पावर र २०० न्युटनमिटर टर्क उत्पन्न गर्दछ जसले रेस्पोन्सिभ एक्सेलेरेसन र उच्च इन्धन कुशलता (फ्युल इफिसियन्सी) प्रदान गर्दछ।
यो एसयुभी ६-स्पिड म्यानुअल वा टर्क-कन्भर्टरसहितको स्पिड अटोमेटिक ट्रान्समिसनबीच रोज्न सकिनेछ।
यो एसयुभीले हरेक भू-भागमा सहज, आरामदायी, रमाइलो ड्राइभिङ अनुभव प्रदान गर्दछ। 'जिप, ज्याप, जुम' आदि ड्राइभिङ मोडहरूले सहरी वा हाइवेका लामो यात्राहरूमा आराम तथा सहजता प्रदान गर्दछ।
सुरक्षालाई पनि एक्सयुभी थ्रि-एक्स-ओ ले उच्च प्राथमिकतामा राखेको छ।
सबै भेरियन्टमा ६ वटा एअरब्याग र इएसपि स्ट्यान्डर्ड रूपमा उपलब्ध छन्।
साथै, यसमा लेभल २ एडास, ब्लाइन्ड भ्यु मनिटर, र ३६० डिग्रि सराउन्ड भ्यु क्यामरा जस्ता अत्याधुनिक सुरक्षात्मक विशेषताहरू उपलब्ध रहेका छन्।
-1746009348.jpg)
