सरकारले सोमबार बजेटसँगै प्रस्तुत गरेको आर्थिक विधेयकले एफपिओ जारी गरेको संस्थाले पाएको प्रिमियम रकमबाट बोनस सेयर बाड्दा त्यसमा कर लगाउनु पर्ने र आगामी मंसिरसम्ममा सो रकम बुझाए शुल्क र ब्याज मिनाहा हुने व्यवस्था गरेको छ।
हाल कतिपय कम्पनीहरूले बोनस सेयर जारी गर्दा यस बापतको कर लगानीकर्ताले नै तिनुपर्ने व्यवस्था गरेको छ। यसले पनि लगानीकर्ताहरू आतंकित हुँदा सेयर बजारमा उच्च अंकको गिरावट आएको हो।
यस बाहेक लगानीकर्ताहरूले धितोपत्र कारोबारको क्रममा भएको आय विवरण पेश गर्नुपर्ने व्यवस्था भएपछि पनि लगानीकर्ताहरू आत्तिएको एक लगानीकर्ताले बताए।
उनका अनुसार सेयर कारोबारको क्रममा नै पुँजीगत लाभकर काट्टिदै आएकोले यसअघि अलग्गै हिसाब बुझाउनु परेको थिएन।
मंगलबार नेप्से परिसूचक ५३.१६ अंकले घटेको छ।
यस दिन नेप्से २.७४ प्रतिशतले घटेर १८८८.६१ बिन्दुमा पुगेको छ।
मंगलबार नेप्से परिसूचकसँगै कारोबार रकम पनि अघिल्लो दिनको तुलनामा घटेको छ।
गत कारोबार दिन २ अर्ब ६३ करोड ९६ लाख ५९ हजार ४९९ रुपैयाँको सेयर कारोबार भएकोमा यस दिन उक्त रकम घटेर २ अर्ब ३४ करोड १७ लाख ७७ हजार ८४४ रुपैयाँमा सीमित भएकाे छ।
यस दिन २७५ वटा धितोपत्रको ७० लाख ७४ हजार २५५ कित्ता सेयर किनबेच भएको हो।
मंगलबार आत्मनिर्भर लघुवित्तको सेयर मूल्य सर्वाधिक १० प्रतिशतले बढेर सकारात्मक सर्किट लागेको छ।
उक्त कम्पनीको प्रतिकित्ता मूल्य एक हजार ८१८ रुपैयाँ ६० पैसा पुगेको छ।
यस्तै, बिपिडब्ल्यू लघुवित्तको सेयर मूल्य ९.९८ प्रतिशतले बढेर प्रतिकित्ता मूल्य ३७२ रुपैयाँ ४० पैसा पुगेको छ।
यसैगरी, स्वेत गंगा हाइड्रोपावरको सेयर मूल्य सर्वाधिक ९.२६ प्रतिशतले घटेर प्रति कित्ता मूल्य २९३ रुपैयाँ १० पैसामा झरेको छ।
यस्तै, सिटिजन्स म्युचुअल फण्डको सेयर मूल्य ९.१० प्रतिशतले घटेर प्रतिकित्ता मूल्य ७ रुपैयाँ ९ मा सीमित भएको छ।
मंगलबार पनि शिवम् सिमेन्टको सर्वाधिक कारोबार भएको छ।
उक्त कम्पनीको प्रतिकित्ता ४६२ रुपैयाँमा २१ करोड २४ लाख बराबरको सेयर कारोबार भएको हो।
यो मूल्य अघिल्लो दिनको तुलनामा १.३२ प्रतिशत घटेको हो।
सर्वाधिक सेयर खरिद–बिक्री हुने दोस्रो ग्लोबल आइएमई बैंकको संस्थापक सेयर रहेको छ। उक्त कम्पनीको १०५ रुपैयाँमा १० करोड ११ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।
यस दिन जीवन बीमा समूहको परिसूचक सर्वाधिक ३.५० प्रतिशतले घटेको छ।