सांग्रिला डेभलपमेन्ट बैंकले पद्मा कोलोनी प्रालीलाई ऋण तिर्नको लागि ताकेता गरेको छ। यसअघि ऋण तिर्न वेवास्ता गरेको भन्दै बैंकले कोलोनीको नाममा ३५ दिने सूचना जारी गरेको हो।
ऋणी र बैंकको सर्त बमोजीम कोलीनीले ऋण तिर्न अटेर गरेको उल्लेख सूचनामा गरिएको छ। बैंकले ३५ दिनभित्र सबै तिर्नु पर्ने रकम भुक्तानी उपलब्ध गराउन सूचित गराएको छ। अन्यथा धितो लिलाम बिक्रीगरी कानुनी प्रक्रिया अघि बढाइने बैंकले जारी गरेको सूचनामा भनिएको छ।
ऋणीको रूपमा पद्मा कोलीनी प्रालि छ भने जमानीकर्ताको रूपमा राजुप्रसाद कडेल छन्। उनी पद्मा कोलोनीका अध्यक्ष हुन्।ऋण लिने क्रममा काठमाडौंको रामकोट डाडापौवा र ललितपुरमा रहेको विभिन्न २४ वटा कित्ताका जग्गा धितोमा राखिएको छ।
यसअघि पद्माकोलोनीको जग्गा प्रकरणमा नागर्जुन नगरपालिकाका मेयर मोहनबहादुर बस्नेत र कोलोनीका अध्यक्ष कडेंललाई भष्टाचार मुद्दामा दोषी ठहर गरिएको थियो।
असार १६ गते भ्रष्टाचार मुद्दामा दोषी ठहरिएका काठमाडौंको नागार्जुन नगरपालिकाका मेयर मोहनबहादुर बस्नेतलाई ८ वर्ष कैद सजाय फैसला गरेको छ।
विशेष अदालतका न्यायाधीशहरू टेकनारायण कुँवर र रामबहादुर थापाको इजलासले उनलाई प्रमुख जस्तो ओहोदामा बहाल रही उक्त कसूर गरेको देखिन आएकोले थप तीन महिना समेत कैद सजाय हुने ठहर गरेको फैसला गरेको थियो।
‘मोहन बहादुर बस्नेत तथा राजु प्रसाद कँडेललाई भ्रष्टाचार निवारण ऐन, २०५९ को दफा ३ को उपदफा (१) को खण्ड (झ) बमोजिम जनही ८ (आठ) वर्ष कैद सजाय हुने ठहर्छ,’ विशेष अदालतको आदेशमा भनिएको छ, ‘सोको अतिरिक्त नगरपालिकाको प्रमुख जस्तो ओहोदामा बहाल रही उक्त कसूर गरेको देखिन आएकोले ऐनको दफा २४ बमोजिम ३ (तीन) महिना थप कैद सजाय समेत हुने ठहर्छ।’
प्रतिवादी मोहन बहादुर बस्नेत र घुस दिने पद्मा कोलोनी प्रालि, पद्मा मर्चेन्ट कम्पनी प्रालि र सो कम्पनीको अध्यक्ष/संचालक राजु प्रसाद कँडेललाई भ्रष्टाचार निवारण ऐन, २०५९ को दफा ३ को उपदफा ९१० बमोजिम जनही २ करोड ३० लाख ६१ हजार ५ सय आठ रुपैयाँ आठ पैसा जरिवाना हुने समेत फैसला गरेको छ।
चारै जना प्रतिवादीहरूबाट सोही बिगो बराबरको रकम जफत हुने समेत उल्लेख छ।
सम्पत्ति शुद्धीकरणतर्फ प्रतिवादी बस्नेतले बिगो १३ करोड १२ लाख ७३ हजार ३२ रूपैयाँको सम्पत्ति शुद्धीकरणको कसूर गरेको देखिँदा उनलाई सम्पत्ति शुद्धीकरण ९मनी लाउन्डरिङ्ग० निवारण ऐन, २०६४ को दफा ३० को उपदफा (१) बमोजिम ३ (तीन) वर्ष कैद सजाय हुने, बिगोको दोब्बर २६ करोड २५ लाख ४६ हजार ६४ रुपैयाँ जरिवाना हुने र सम्पत्ति/जग्गा समेत जफत हुने अदालतले ठहर गरेको छ।
अख्तियार दुरूपयोग अनुसन्धान आयोगले उनीविरूद्ध गत पुस १५ गते विशेष अदालतमा मुद्दा दायर गरेको थियो।अख्तियारले उनीविरूद्ध सम्पत्ति शुद्धीकरण र घुस लेनदेन मुद्दा दायर गरेको थियो।
बैंकको ऋण नतिरेपछि काठमाडौंको सितापाइलामा रहेको पद्मा कोलोनीलाई सांग्रिला डेभलपमेन्ट बैंकले सूचना निकालेको छ।
कोलोनीले बैंकबाट लगेको ऋणको साँवा ब्याज नियमित रुपमा नतिरेपछि बैंकले ३५ दिने सूचना जारी गर्दै लिलामी प्रक्रिया अगाडि बढाउने चेतावनी दिएको छ।
कोलोनीका एकल सेयरधनी राजुप्रसाद कँडेलको नाममा सोमबार सूचना निकाल्दै बैंकले तिनुपर्ने ऋणको साँवा ब्याज, हर्जना ब्याज तथा अन्य दस्तुर सबै बुझाउन ताकेता गरेको हो।
बैंकले सूचना जारी गरेको ३५ दिनभित्रमा ऋण चुक्ता नगरे प्रचलित कानुन बमोजिम ऋणी र जमानीकर्ताको चलअचल सम्पत्ति असुल गरी कालोसूचीमा राखिने चेतावनी दिएको छ। पद्मा कोलोनीले सीतापाइलासहित ललितपुरको कुसुन्ती, नागार्जुन नगरपालिका रामकोट र टौखेल नागार्जुनमा हाउजिङ बनाएको छ ।
यसअघि गत असार १६ गते विशेष अदालतले पद्मा कोलोनी प्रालि र पद्मा मर्चेन्ट कम्पनी प्रालिका सञ्चालक राजु कँडेललाई पनि ८ वर्ष कैद सजाय तोकेको थियो। भ्रष्टाचार र सम्पत्ति शुद्धीकरण मुद्दामा काठमाडौंको नागार्जुन नगरपालिकाका मेयर मोहनबहादुर बस्नेतसहित उनलाई दोषी ठहर गरेको थियो।
अख्तियारको अभियोगअनुसार बस्नेतले नगरपालिकाको नीतिगत निर्णय प्रयोग गरेर जग्गा प्लटिङमा अनुचित लाभ लिई ९ करोड २२ लाख ४६ हजार ३२ रुपैयाँ ३३ पैसा घुस लिएका थिए। सो मुद्दामा उनलाई ८ वर्ष कैद र २ करोड ३० लाख ६१ हजार ५०८ रुपैयाँ ८ पैसा जरिवाना गरिएको छ।
बस्नेतले शुद्धीकरण गरेको ठहर गरिएको १३ करोड १२ लाख ७३ हजार ३२ रुपैयाँ ३३ पैसा सम्पत्तिका लागि मनी लाउन्डरिङ ऐन, २०६४ अनुसार उनलाई ३ वर्ष कैद र बिगोको दोब्बर २६ करोड २५ लाख ४६ हजार ६४ रुपैयाँ ६६ पैसा जरिवाना गरिएको हो ।
राष्ट्रसेवकको हैसियतले कसुर गरेकाले उनीमाथि सोही ऐनको उपदफा ७ अनुसार थप ३ महिना १८ दिन कैद र २ करोड ६२ लाख ५४ हजार ६०० रुपैयाँ ४६ पैसा जरिवाना थप गरिएको अदालतले जनाएको छ ।
न्यायालयले बस्नेतले अवैध रुपमा आर्जन गरेका सम्पत्ति जफत गर्ने आदेश पनि दिएको छ। साथै, अपराध पीडित संरक्षण ऐन, २०७५ बमोजिम बस्नेतले १ करोड ५ लाख १ हजार ४२ रुपैयाँ ५८ पैसा पीडित राहत कोषमा क्षतिपूर्ति स्वरूप जम्मा गर्नुपर्ने भएको छ ।
उक्त घुस प्रकरणमा संलग्न पद्मा कोलोनी प्रालि र पद्मा मर्चेन्ट कम्पनी प्रालिका सञ्चालक राजु कँडेललाई पनि ८ वर्ष कैद सजाय सुनाइएको छ। उनले ९ लाख २२ हजार ४६० रुपैयाँ ३२ पैसा पीडित राहत कोषमा जम्मा गर्नु पर्नेछ।
कँडेल र उनका कम्पनीहरूलाई पनि बस्नेतसँगै २ करोड ३० लाख ६१ हजार ५०८ रुपैयाँ बिगो भराउने फैसला गरिएको छ। कँडेल मिडिया सञ्चालकसमेत हुन् । पद्मा मिडिया प्रालि अन्तर्गत माउन्टेन टिभी लगायत रहेका छन्।
-copy-1745411477.jpg)
-1746009348.jpg)
