सोमबार सेयर बजार परिसूचक नेप्से २१.७६ अंकले बढ्दा केही विकास बैंकहरूको मूल्य भने उच्चले घटेका छन्।
ग्रिन डेभलपमेन्ट बैंक र सप्तकोशी डेभलपमेन्ट बैंकको सेयरमा १० प्रतिशतले मूल्य घटेर सर्किट लागेको छ।
त्यस्तै, कर्पोरेट डेभलपमेन्ट बैंक, सिन्धु विकास बैंकको सेयर मूल्य पनि उच्चले घटेका छन्। यी बैंकको सेयर मूल्य क्रमशः ९.९६ प्रतिशत र ६.३६ प्रतिशतले घटेका छन्।
यी कम्पनीको सेयर आठ सय सात रूपैयाँदेखि दुई हजार एक सय १६ रूपैयाँसम्ममा कारोबार भइरहेको छ।
यी कम्पनीको सेयर कारोबारमा संलग्न रहँदै आएका ठूला लगानीकर्ता पक्राउको घटनापछि पनि मूल्य घटेको एक ब्रोकरले बताए।
‘यी कम्पनीको सेयरमा संलग्न रहेको ठूला लगानीकर्ता पक्राउको घटनाले पनि मूल्य प्रभावित भएको देखिन्छ,’ ती ब्रोकरले भने। समग्रमा विकास बैंकहरूको समूहगत परिसूचक भने १.४२ प्रतिशतले बढेको छ।
-1746009348.jpg)
