आफ्नो ट्रेड कन्सर्न प्रा. लि. नयाँ बानेश्वरले जापानको विश्वप्रसिद्ध ‘जोजिरुशी’का उत्पादनहरू नेपालमा बिक्री-वितरण सुरू गरेको छ।
जोजिरुशीले नेपालको लागि आफ्नो ट्रेड कन्सर्नलाई एक मात्र अधिकारिक बिक्रेता नियुक्त गरेको छ।
सन् १९१८ मा स्थापना भएको जोजिरुशीले सुरूका समयमा भ्याकुम इन्सुलेसन बोटलहरूको निर्माण गरेर आफ्नो यात्रा सुरू गरेको थियो।
विस्तारै आफ्ना उत्पादनहरूमा विविधता थप्दै जोजिरुशीले राइस कुकर, ब्रेड मेकिङ मेशिन र आधुनिक समाजका लागि चाहिने अन्य किचन एप्लाइन्सेसहरूको उत्पादन गरेर वर्तमान समाजको अभिन्न अंग बन्न पुगेको छ।
जोजिरुशीका मुख्य उत्पादनहरुमा राइस कुकर, ब्रेड मेकिङ मेशिन, इलेक्ट्रिकल एप्लाइन्सेस, वाटर बोटल लगायत रहेका छन्।
१०० वर्षभन्दा लामो इतिहास बोकेको यस कम्पनीबाट उत्पादित प्रडक्टहरू गुणस्तरीय, स्वास्थ मैत्री र टिकाउ छन्। यसका उत्पादनहरू जापान, अमेरिका, सिंगापुर, यूरोप लगायत विश्वका प्रमुख बजारहरूमा उपलब्ध छन्।
विश्वभरिका गुणस्तरीय उत्पादन पारखीहरूको लागि जोजिरुशी सधै प्राथमिकतामा पर्ने गरेको बताइएको छ।
यसका उत्पादनहरू जापानी प्रविधि र गुणस्तरसँग समायोजन गरेर उत्पादन गरिने भएको हुँदा यी उत्पादनहरु संसारकै उच्च गुणस्तरको हुनु को साथै आकर्षक समेत हुन्छन्।
यसको मुख्य कार्यालय जापानको ओसाकामा रहेको छ।
