उद्योग, वाणिज्य तथा आपूर्ति मन्त्रालयले बजार अनुगमनलाई थप व्यवस्थित र प्रभावकारी बनाउने प्रतिवद्धता व्यक्त गरेको छ।
मन्त्रालयले नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, नेपाल महिला उद्यमी महासंघ र नेपाल घरेलु तथा साना उद्योग महासंघ लगायतका सबै सरोकारवाला निकायहरूसँग सोमबार छलफल गरेको हो।
बैठकमा उद्योग, वाणिज्य तथा आपूर्ति क्षेत्रमा देखिएका अनुचित व्यापारिक अभ्यासहरू जस्तैः कालोबजारी, कृत्रिम अभाव, मूल्य वृद्धि, मिसावट, नापतौलमा ठगी लगायतका समस्याहरूमाथि छलफल गरिएको बताइएको छ।
छलफलपछि, सबै सरोकारवाला निकायहरूले स्वच्छ व्यापारिक वातावरण निर्माण गर्न र बजारलाई व्यवस्थित बनाउन सरकारलाई पूर्ण सहयोग गर्ने प्रतिबद्धता गरेको मन्त्रालयबाट जारी विज्ञप्तीमा उल्लेख गरिएको छ।
मन्त्रालयले उपभोक्ताहरुलाई दैनिक उपभोग्य वस्तु सहज र सुलभ मूल्यमा उपलब्ध गराउन, बजार अनुगमनलाई निरन्तरता दिन र दोषी माथि कानुन अनुसार कडा कारबाही गर्ने प्रतिवद्धता गरेको छ।
उपभोक्ताको अधिकार र हितको संरक्षण गर्न मन्त्रालयले आपूर्ति व्यवस्थालाई सहज बनाउन र बजारमा अनुगमनलाई तीव्रता दिन आवश्यक सबै कदमहरू चाल्ने बताइएको छ।
-1746009348.jpg)
