भायानेट कम्युनिकेसनले आफ्ना ग्राहकहरूलाई भरपर्दो र किफायती डिजिटल सेवाहरू प्रदान गरेको २४ वर्ष पूरा गरेको छ।
सन् १९९९ मा स्थापना भएदेखि नै भायानेटले अत्याधुनिक ब्रोडब्यान्ड इन्टरनेट र आइपिटिभी सेवाहरू उपलब्ध गराएर आफ्ना उपभोक्ताहरूको डिजिटल अनुभव सुधार गर्न निरन्तर लागि परेको छ।
भायानेटले २४ औं वार्षिक उत्सवको अवसरमा विशेष वार्षिकोत्सव अफर घोषणा गरेको छ।
जसमा १२५ एमबिपिएस इन्टरनेटको ३ महिना सदस्यता मात्र दुई हजार ४२४ रुपैयाँ (भ्याट बाहेक) पर्नेछ।
यस प्याकेजका नयाँ ग्राहकहरूले जडान शुल्कमा पनि उल्लेखनीय छुट पाउनेछन्।
यसका साथै भायानेटको चाडपर्व अफरअन्तर्गत सबै तीन महिना वा सोभन्दा माथिका भायानेट ग्राहकहरूले अल्टिमा वायरलेस इयरबड्स र हिमस्टारका उपकरणहरूमा ५०५ रुपैयाँसम्म छुट पाउनेछन्।
यस्तै, आफ्ना ग्राहकहरू प्रति कृतज्ञता जनाउँदै भायानेटले आफ्नो पुराना ग्राहकको इन्टरनेट निःशुल्क अपग्रेड गरेको छ। जसमध्ये भायानेटका वार्षिक ग्राहकहरू जसको २०० एमबिपिएस इन्टरनेट छ, उनीहरूको २५० एमबिपिएस अपग्रेड भएको कम्पनीले बताएको छ।
३०० एमबिपिएस इन्टरनेट भएका ग्राहकले निःशुल्क ४०० एबिपिएस पाएका छन्। त्यस्तै अन्यको पनि इन्टरनेट निःशुल्क अपग्रेड गरिएको कम्पनीको भनाइ छ।
