एनसेलले पछिल्लो १० दिनमा देशभरका विभिन्न स्थानमा २० नयाँ मोबाइल टावर जडान गरी सञ्चालनमा ल्याएको छ।
यससँगै ती क्षेत्रका ग्राहकहरूले गुणस्तरीय फोरजी भ्वाइस र उच्च गतिका डेटा सेवाको फाइदा लिन सक्ने भएका छन्।
एनसेलले मधेस, बागमती र कोशी प्रदेशका जिल्लाहरूमा आफ्नो नेटवर्क सुधार गर्दै सेवा विस्तार गरेको हो।
मधेसमा १३, कोशीमा ६ र बागमतीमा १ नयाँ टावर सञ्चालनमा आएका छन्। कम्पनीका अनुसार आगामी दुई दिनभित्र थप १० टावर सञ्चालनमा ल्याइने योजना छ।
एनसेलका चीफ कन्जुमर बिजनेस अफिसर उपङ्ग दत्तले भने, ‘हामी फोरजी नेटवर्क विस्तार र सुधारमार्फत ग्राहकलाई भरपर्दो मोबाइल सेवा प्रदान गर्न प्रतिबद्ध छौं। आगामी दुई महिनाभित्र देशभर थप १७० भन्दा बढी टावर सञ्चालनमा ल्याउने योजना छ।’
यस पहलले नेपालका आम नागरिकलाई आधुनिक मोबाइल ब्रोडब्यान्ड र विश्वस्तरीय फोरजी सेवामा पहुँच सुनिश्चित गर्ने कम्पनीको लक्ष्यलाई पुष्टि गरेको छ।
-1746009348.jpg)
