काठमाडौं महानगरपालिकाले दुई दिनमा करिब २ सय माग्ने उठाएको छ।
आफ्नो २५औं महानगर दिवसको अवसरमा महानगरपालिकाले माग्नेमुक्त सडक बनाउने घोषणा गरेको थियो।
सोही घोषाणाअनुसार महानगर माग्ने उठाउने काममा सक्रिय रुपमा लागेको छ।
गत मंसिर २३ मा महानगरले मंसिर २९ पछि पनि सडकमा माग्ने भेटिए कारवाही गर्ने सूचना निकालेको थियो।
महानगरले पहिलो चरणमा उक्त संख्यामा सडकबाट माग्ने जम्मा गरेको हो।
अहिले महानगरले हरेक बिहान/बेलुका कर्मचारी खटाएर सडकमा रहेका माग्ने जम्मा गरिरहेको माहानगरपालिकाका सूचना अधिकारी वसन्त आचार्यले बताए।
उनीहरुलाई अहिले बालाजुको २२ धारामा स्क्रिनिङ सेन्टरमा राखिएको छ।
‘हामीले बुधबारसम्म करिब २ सय माग्ने उठाएर ल्याएका छैंं,’ आचार्यले भने, ‘केही परिवारबाट भागेर हिंडेकालाई परिवारिक पुर्नमिलन पनि गरिएको छ।’ उपचारको लागि पैसा मागेकाहरुलाई उपचार गर्ने व्यवस्था पनि गरिएको छ।’
महानगरपालिकाले पहिलो चरणमा सडकबाट उठाएका माग्नेहरुलाई स्क्रिनीङ सेन्टरमा राखेर उपचार गर्नुपर्ने होकि परिवारसँग मिलन गराउनु पर्ने हो वा साच्चै एक्लो हो वा होइन छान्ने छ।
उपचारको लागि आर्थिक अवस्था कमजोर भएका माग्नेको लागि माहानगरपालिकाले विभिन्न हस्पिटलसँग सहकार्य गरेर निशुल्क उपचार गर्ने वा केही खर्च लागे महानगरले व्यहोर्ने गरी योजना बनाएको छ।
माग्ने नै भएमा महानगरले मानव सेवा आश्रममा राखिने बताएको छ।
यसरी माग्ने उठाउने क्रम तीन महिनासम्म जारी रहने र त्यसपछि पनि माग्ने भेटिए कारवाही थाल्ने माहानगरपालिकाले जानकारी दियो।
-1746009348.jpg)
