बिहीबार ट्रक व्यवसायीसँग भएको छलफलमा सरकारले प्यानमा दर्ता भएर पनि ट्रक संचालन गर्न दिनेगरी सहमति गरेको छ।
लुम्बिनी यातायात प्रालिका महासाचिव रुनाखर गौतमले अब २० लाखसम्मको सिलिङ पनि नलाग्ने र प्यान नम्बर भएपछि ट्रक चल्न पाइने सहमति भएको बताए।
‘ट्रकको विलबुक र मालिकको नागरिकताको आधारमा प्यान नम्बर लिन पाइने सहमति भएको छ,’ उनले भने, ‘हामीले सबै ट्रक व्यवासायीलाई सोही अनुसार नै खबर गरेका छौं।’
उनकाअनुसार शुक्रबार नै सबै ट्रक व्यवसायीहरूलाई प्यान दिने भनिए पनि सबै कार्यालयमा सूचना नपुगेकाले आइतबारबाट प्यान नम्बर लिन पाइन्छ।
उनले भने, ‘हामीले सरकारलाई कर नतिर्ने भनेको होइन, सहज हुनुपर्छ भनेको मात्रै हो, अब हामी प्यानका आधारमा ट्रक संचालन गर्छौ।’
आर्थिक वर्ष लागेसँगै ट्रक व्यवसायीको आन्दोलन चर्किएको थियो।
सरकारले चालू आर्थिक वर्षदेखि सबै ढुवानी व्यवासायीलाई अनिवार्य भ्याटमा आउने नयाँ नियम लागू गरेपछि व्यवसायी आन्दोलनमा उत्रेका थिए।
सो नियमअनुसार सबै ट्रक संचालक व्यवसायी अनिवार्य मूल्य अभिवृद्धि करमा दर्ता हुनपर्ने भयो।
भ्याट बिल नहुँदासम्म कुनै पनि कारोबार गर्न नपाइने नियम बन्यो।
तर व्यवसायीहरूले भ्याट तिर्न सक्षम नभएको र यो प्रकृया झन्झटिलो भएको भन्दै विरोधमा उत्रिए।
सरकारले २० लाख भन्दा बढीको कारोबारमा भ्याट अनिवार्य लाग्ने भन्दै ट्रक व्यावसायीसँग सहमति गर्यो र पाँच महिनाभित्र सबै ट्रक व्यवसायीलाई अनिवार्य भ्याटमा दर्ता हुन भन्यो।
पुस १ गतेदेखि भ्याटमा दर्ता भएका ट्रकमा मात्रै सामान हाल्ने भएपछि ट्रक व्यवसायीहरूले फेरि आन्दोलनमा उत्रिने चेतावनी दिएका थिए।
-1746009348.jpg)
