प्रधानमन्त्री शेरबहादुर देउवासहित तीन जना उपप्रधानमन्त्रीले पद तथा गोपनियताका सपथ लिएका छन्। मंगलबार राष्ट्रपति निवासमा उनीहरूलाई राष्ट्रपति विद्यादेवी भण्डारीले सपथ खुवाइन्। तीन उपप्रधानमन्त्रीमध्ये दुई जना यसअघि नै उपप्रधानमन्त्री भइसकेका छन्।
यी तीन उपप्रधानमन्त्रीमा विजयकुमार गच्छदार बरियतामा पहिलो नम्बरमा रहेका छन्। उनले संघीय मामिला तथा स्थानीय विकास मन्त्रालय सम्हाल्ने छन्।
त्यस्तै दोस्रो बरियतामा कृष्णबहादुर महरा छन्। उनले उपप्रधानसहित परराष्ट्र मन्त्रालय सम्हाल्ने छन्।
त्यस्तै पहिलो पटक उपप्रधानमन्त्री भएका गोपालमान श्रेष्ठ बरियतामा तेस्रो स्थानमा छन्। उनले शिक्षा मन्त्रालय सम्हाल्नेछन।
देउवा सरकारका अन्य चार मन्त्रीले पनि आजै सपथ लिएका छन्।
