भरतपुर महानगरपालिकाको वडा नम्बर १९ मा मतपत्र च्यातिएपछिको विवादमाथि सर्वोच्चले आज सुनुवाई तोकेको छ। कायम-मुकायम प्रधानन्यायाधीश गोपाल पराजुली र न्यायाधीश हरिकृष्ण कार्कीको इजलासले उक्त विवादमाथि सुनुवाई गर्दै छ।
भरतपुरमा १९ मा गत जेठ १५ गते राती माओवादी कार्यकर्ताले मतपत्र च्यातेपछि त्यहाँ मतगणना रोकिएको थियो। निर्वाचन आयोगले छानबिन गरी पुनः मतदान गर्ने निर्णय गरेपछि उक्त वडाका एमाले वडा सदस्य गुञ्जमान विश्वकर्मा र मतदाता तुलसीराम पाण्डेले सर्वोच्चमा रिट दायर गरेको थिए।
रिटको पहिलो सुनुवाई गर्दै सर्वोच्चले त्यहाँ घोषणा गरिएको पुनः मतदान यथास्थितिमा राख्न आदेश गरेको छ। यो विवादका दुवैपक्षको बहस सुनेपछि सर्वोच्च अदालतले पुनः मतदान गर्न दिने वा नदिने निर्णय गर्नेछ।
मतपत्र च्यातिएपछि एमालेले पुनः मतगणनाको माग गरेको थियो भने कांग्रेस माओवादीले पुनः मतदानको माग गरेका थिए। आयोगले पुनः मतदानकै निर्णय गरेको हो।
-1746009348.jpg)
