लोहारपटी गाउँपालिका ३ खुटा पिपराढीका ४५ वर्षीय श्यामादेवी साहलाई हत्या गरेको आरोपमा प्रहरीले दुई जनालाई पक्राउ गरेको छ।
पक्राउ पर्नेमा लोहारपटि ३ बस्ने २० वर्षीय बजरंगी साह सोनार र १८ वर्षीय अविनाशकुमार यादव रहेको जिल्ला प्रहरी कार्यालय महोत्तरीका एसपी राजकुमार लम्सालले बताए।
पक्राउ परेकाहरुलाई जिल्ला प्रहरी कार्यालय महोत्तरीले शुक्रबार पत्रकार सम्मेलन गरि सार्वजनिक गरेको हो। प्रहरीका अनुसार श्यामादेवी साह जेठ १८ गते शौच गर्न गएको बेला उनलाई अविनास र बजरंगी लगायतले कुटपिट गरी घाइते बनाएका थिए ।
घाइते साहको उपचारको क्रममा जनकपुर अञ्चल अस्पतालमा मृत्यु भएको थियो।
