रियल म्याड्रिडका पोर्चुगिज स्ट्राइकर क्रिस्टियानो रोनाल्डोले ७५ अन्तर्राष्ट्रिय गोल पुरा गरेका छन्। उनले विश्व कप प्रतियोगिताभन्दा एक वर्ष अगाडि रुसमा आयोजना भइरहेको कन्फिडरेशन कपअन्तर्गत न्युजिल्यान्डविरुद्ध निर्णायक समूह चरणको खेलमा ३३ मिनेटमा पेनाल्टीमार्फत गोल गर्दै यो उपलब्धी चुमेका हुन्।
उनले यो वर्ष ६ खेलमा सातौं गोल पनि हो। उनले १ सय ४२ अन्तर्राष्ट्रिय खेलमा ७५ गोल गरेका हुन्। रुसविरुद्ध अघिल्लो खेलमा उनले निर्णायक गोल गरेका थिए। आजको खेल जितेको अवस्थामा पोर्चुगल सेमिफाइनल प्रवेश गर्नेछ। पोर्चुगलले ३५ मिनेटको खेल सम्पन्न हुँदा २ गोलको अग्रता लिइसकेको छ।
