क्रिस्टियानो रोनाल्डोको पेनाल्टी गोलको सहयोगले न्युजिल्यान्डलाई ४–० ले पराजित गर्दै युरो च्याम्पियन पोर्चुगल समूह विजेताको रुपमा कन्फिडरेशन कपको सेमिफाइनल प्रवेश गरेको छ।
शनिवार भर्खरै केही समय अगाडि समाप्त भएको समूह ‘ए’ को अन्तिम खेलमा रोनाल्डोको ३३ मिनेटमा पेनाल्टी गोल, बेर्नार्डो सिल्भाको ३७, आन्द्रे सिल्भाको ८० र नानीको ९१ मिनेटको गोलका कारण पोर्चुगल सहजै विजयी भयो। रोनाल्डोको एउटा हेडिङ प्रहार पोलमा लागेर फर्किएका थियो। उनलाई दोस्रो हाफको ६७ मिनेटमा परिवर्तन गर्दै प्रशिक्षक फर्नान्डो सान्तोषले नानीलाई मैदानमा पठाएका थिए।
यो नतिजापछि ३ खेलमा २ मा जित सम्भव पार्दै ७ अंकका साथ पोर्चुगल समूह विजेता रहयो र सेमिफाइनल प्रवेश गर्यो। न्युजिल्यान्ड समूहको अन्त्यमा रहँदै बाहिरिएको छ।
