नेकपा (माओवादी केन्द्र)का अध्यक्ष पुष्पकमल दाहाल प्रचण्ड सोमबारदेखि तनहुँको पर्यटकीय नगरी बन्दिपुर क्षेत्रमा बस्दै आएका छन्।
पूर्वप्रधानमन्त्रीसमेत रहेका अध्यक्ष दाहालसँग उनकी श्रीमती सीता, छोरा प्रकाश र प्रदेश नं ४ का सहइन्चार्ज हरि अधिकारीलगायत केही सहयोगीसहितको टोली बन्दिपुर बजारदेखि केही परको गाउँवस्तीमा सोमबारदेखि बस्दै आएका छन्।
स्रोतकाअनुसार बन्दीपुर आए पनि पार्टीका कार्यकर्तासँग अध्यक्ष दाहालले खासै भेटघाट गरेका छैनन्। अध्यक्ष दाहालसहितको टोलीले बिहीबार डुम्रेस्थित एक कार्यकर्ताको घरमा खाना खाने कार्यक्रम छ। अध्यक्ष दाहालको यो पारिवारिक भ्रमण रहेकाले जिल्ला तहका कुनै पनि नेतासँग भेटघाट नभएको पार्टीका उच्चस्रोतले जनाएको छ । रासस
-1746009348.jpg)
