नेकपा एकीकृत समाजवादीका अध्यक्ष माधवकुमार नेपालले ७० वर्षमै राजनीति छोडौं कि भन्ने लागे पनि परिस्थितिले छाड्नै नदिएको बताएका छन्।
‘राजनीतिबाट बिदाइ हुनुपर्लाजस्तो लागिरहेको छ। धेरै बस्न पनि जरूरी छैन। यो पाँच वर्षपछि बिदाइ हुनुपर्ला जस्तो लागिराछ’, उनले भने।
तर यसपटकको चुनाव भने लड्ने उनले बताए।
‘यसपटक चुनाव लड्नै पर्छ। जित्नै पनि पर्छ। राजनीतिलाई एउटा मोडमा पुर्याउनैपर्छ’, बिहीबार काठमाडौंमा आयोजित पुस्तक विमोचन कार्यक्रममा उनले भने।
आज चुनावको मिति घोषणा भएकोले आफू चुनावमा लड्ने उनले बताए।
‘आज चुनावको मिति घोषणा भई पनि सक्यो। अब पनि चुनावमा नउठ्ने भन्ने कुरा गर्नै भएन’, उनले भने, ‘डराएछ कि क्या हो माधव नेपाल भन्लान्।’
सामना गरेर, चुनावमा उठेर, विजयी भएर फेरि आउने उनले बताए।