प्रधानमन्त्री पुष्पकमल दाहाल ‘प्रचण्ड’ले नेपाल–भारत प्रबुद्ध व्यक्ति समूह (इपिजी)को प्रतिवेदनबारे उच्च तहमा कुरा नगरे पनि समाधानको जवाफ पाएको बताएका छन्।
राष्ट्रिय सभामा भारत भ्रमणबारे सांसदले सोधेको प्रश्नको स्पष्टीकरण दिँदै उनले बन्न लागेको वातावरण नबथिल्न नै उच्च तहमा कुरा नगरेको बताए।
‘माहोल राम्रो भइराखेको थियो, यसले खत्र्याक्क होलाजस्तो भयो। लागेको कुरा सोझो पो भनेँ त मैले। तर, मैले अरू उनले भने, ‘अरू तहमा कुरा गर्दा विश्वासको राम्रो वातावरण बन्दा इपिजी त कुन ठूलो कुरा हो र भन्ने जवाफ पाएको थिएँ।’
उनले विश्वासको वातावरण बलियो बनाएर यसबारे कुरा गर्ने निष्कर्षमा आफू पुगेको पनि सुनाए।