नेकपा (माओवादी केन्द्र) ले सञ्चालन गर्ने भनेको अभियान स्थगित गरेको छ।
मंगलबार बसेको पदाधिकारी बैठकले तयारी नपुगेको भन्दै अभियान स्थगित गरेको हो।
महासचिव देव गुरूङ र अध्यक्ष पुष्पकमल दाहाल 'प्रचण्ड'ले पार्टी सदस्यहरूलाई पठाएको सर्कुलरमा ‘पूर्व निर्धारित तराई–मधेश जनजागरण अभियान (हुलाकी राजमार्ग केन्द्रित) र हिमाल– पहाड–तराई–मधेश राष्ट्रिय एकता अभियानका कार्यक्रम तयारी नपुगेको कारण हाललाई स्थगित गरिएको’ उल्लेख छ।
यसअघि गत फागुन १ देखि ३ गतेसम्म काठमाडौंमा भएको विधान अधिवेशनले चैत १ देखि १५ सम्म हुलाकी राजमार्ग र वैशाख १ देखि १५ सम्म हिमाल-पहाड-तराई अभियान सञ्चालन गर्ने निर्णय गरेको थियो।
