एमाले नेताहरूले भेटे प्रचण्डलाई

सेतोपाटी संवाददाता

काठमाडौं, भदौ २०

नेकपा (एमाले) का नेताहरूले नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ लाई भेटेका छन्।

काठमाडौं उपत्यकाका नदी किनारमा मापदण्ड थप गरिएको विषयमा ध्यानाकर्षण गराउँदै हिँडेको एमाले काठमाडौं जिल्ला अध्यक्षसहितको टोलीले बिहीबार अध्यक्ष प्रचण्डलाई भेटेको हो।

सर्वोच्च अदालतले काठमाडौं उपत्यकाको बागमती नदी र यसका सहायक नदीमा थप २० मिटर मापदण्ड छोडेर खोलको बहाव क्षेत्र किटान गर्न परमादेश दिएपछि एमाले आन्दोलित छ।

उसले अदालतको यो फैसलाको न्यायिक पुनरावलोकनको माग गर्दै आएको छ। यसै विषयमा बिहीबार प्रचण्डलाई एमाले बागमती इन्चार्ज राजन भट्टराई, जिल्ला अध्यक्ष दीपक निरौला सहितको टोलीले भेटेको हो।

भेटमा अध्यक्ष प्रचण्डले जनसरोकारका विषयमा माओवादी केन्द्रले साथ दिने बताएको एमाले स्थायी कमिटी सदस्यसमेत रहेका भट्टराईले बताए।

‘अदालतको फैसलाका कारण उत्पन्न समस्याका विषयमा सरकार पुनरवलोकनमा जानुपर्ने विषयमा सहमति जनाउँदै माओवादी केन्द्रले यस किसिमको जनसरोकारको विषयमा आफ्नो दलबाट औपचारिक निर्णय हुने र सरकारले भ्याकेटमा जाँदा आफ्नो दलको समर्थन रहने कुरा बताउनुभयो,’ भट्टराईले भने।

एमाले नेताहरूले प्रधानमन्त्री केपी शर्मा ओली, नेपाली कांग्रेसका सभापति शेरबहादुर देउवालाई भेटेर न्यायिक पुनरवलोकनमा जान ध्यानाकर्षण गराइसकेको छ।

यो पनि:

काठमाडौंको नदी किनारमा थप २०–२० मिटरको मापदण्डबारे अध्ययन गर्न बन्यो कार्यदल

एमाले-बालेन आमुन्नेसामुन्ने!

सर्वोच्चको फैसलाले काठमाडौं उपत्यकाका हजारौं परिवारको जग्गा ‘भुस’!

कांग्रेस सभापति देउवालाई भेटेर के भने एमाले नेताहरूले?

सर्वोच्चको फैसलाविरूद्ध ललितपुर महानगरलाई संघर्ष समितिले बुझायो ज्ञापनपत्र

प्रकाशित मिति: बिहीबार, भदौ २०, २०८१ १६:२१

सिफारिस