पूर्वीनवलपरासीको खोला किनारमा एउटा गैंडा मृत भेटिएको छ।
मंगलबार मध्यान्ह पौने १२ बजे बाणखोला किनारमा गैंडा मरेको अवस्थामा फेला परेको जिल्ला प्रहरी कार्यालयले जनाएको छ।
कावासोती नगरपालिका-१५ मा रहेको उक्त खोला किनारमा गैंडा फेला परेको खबर पाएपछि प्रहरीको टोली खटिएको थियो।
उक्त टोलीले घटनास्थललाई सुरक्षित राखेर राष्ट्रिय निकुञ्ज चितवनसँग समन्वय गरी मुचुल्काको प्रक्रिया अघि बढाएको छ।
पोथी गैंडा अन्दाजी २० वर्षको हुनुपर्ने अनुमान गरिएको छ।
-1756118929.jpeg)
-1746009348.jpg)
