नेपालले एशिया कपको लागि छनोट खेल खेल्ने भएको छ। एशियन क्रिकेट काउन्सिलले आयोजना हुने प्रतियोगितामा नेपालसहित ६ देशको सहभागिता रहने छ।
६ देशलाई दुई समूहमा विभाजन गरि खेल खेलाइने एसिसिले जनाएको छ। एशिया कप छनोटमा नेपाल समूह ‘ए’ मा परेको छ। नेपाल रहेको समूहमा हङकङ र मलेसिया छन्।
यस्तै समूह ‘बी’मा सिंगापुर युएई र ओमान छन्। ६ टिमको सहभागिता हुने एसिया कपमा भारत, पाकिस्तान, अफगानिस्तान, बङ्लादेश र श्रीलंकाले सोझै प्रतियोगिता खेल्न पाउनेछन्।
बाँकी एक टिमको टुंगो छनोट खेलबाट लाग्नेछ। एशोसियट देशबीच हुने छनोट खेलमा शीर्ष स्थानमा रहने टोलीले एशिया कप खेल्न पाउनेछ। प्रतियोगिता सेप्टेम्बर १५ देखि ३० तारिखसम्म हुने एसिसिले जनाएको छ।
