आइपिएल २०२३ मा कोलकता नाइटराइडर्सले पञ्जाब किंग्समाथि ५ विकेटको जित हात पारेको छ।
सोमबार भएको खेलमा पहिले ब्याटिङ गरेको पञ्जाबले ७ विकेटको क्षतिमा १७९ रन जोड्यो।
उसका लागि कप्तान शिखर धवनले ५७ रन जोडे भने बलिङमा कोलकताका वरुण चक्रवर्तिले तीन विकेट लिए।
१८० रनको लक्ष्य कोलकताले अन्तिम बलमा ५ विकेटको क्षतिमा पूरा गर्यो। अन्तिम बलमा दुई रन चाहिएको स्थितिमा कोलकताका रिन्कु सिंहले चौका हिर्काए। उनले १० बलमा नटआउट २१ रन जोडे।
कप्तान नितिश रानाले ५१ रन र आन्द्रे रसेलले ४२ रन जोडे। बलिङमा पञ्जाबका राहुल चाहरले २ विकेट लिए।
अंक तालिकामा कोलकता १० अंकसहित पाँचौ स्थानमा छ। १० अंक नै जोडेको पञ्जाब सातौं स्थानमा छ।
