चेन्नई सुपर किंग्स र गुजरात टाइटन्सबीचको आइपिएल २०२३ को उपाधि भिडन्त वर्षाका कारण प्रभावित बनेको छ।
अहमदावादमा परेको वर्षाका कारण मैदान भिज्दा फाइनल खेल ‘रिजर्भ डे’ (सोमबार) सम्मका लागि स्थगित गरिएको छ।
ओभर घटाएर वा सुपर ओभर हुने अवस्था नभएपछि फाइनल रिजर्भ डेसम्मका लागि स्थगित गरिएको हो।
चेन्नईले आइपिएलका १६ सिजनमध्ये दशौं फाइनल खेल्न लागेको हो। यसअघि खेलेका नौं फाइनल मध्ये चेन्नईले चार फाइनल जित्दै ट्रफी उचालेको छ।
गुजरात भने आइपिएलको साविक विजेता हो। उसले गत सिजन फाइनलमा राजस्थान रोयल्सलाई ७ विकेटले हराएर उपाधि जितेको थियो।
