श्रीलंकाले अफगानिस्तानविरूद्धको तीन खेलको एकदिवसीय सिरिज जितेको छ।
बुधबार भएको निर्णायक तथा तेस्रो खेलमा श्रीलंकाले ९ विकेटको जित निकाल्दै सिरिज २-१ ले आफ्नो पक्षमा पारेको हो।
यसअघि दोस्रो खेलमा श्रीलंका १३२ रनले विजयी हुँदा पहिलो खेल अफगानिस्तानले ६ विकेटको जित निकालेको थियो।
बुधबार पहिले ब्याटिङ गरेको अफगानिस्तान ११६ रनमै अलआउट भयो। उसका लागि मोहमद नाबीले सबैभन्दा बढी २३ रन जोडे।
बलिङमा घरेलु टिम श्रीलंकाका धनुष्का चामीराले ४ विकेट र विनन्दु हर्षरंगाले ३ विकेट हात पारे।
११७ रनको लक्ष्य श्रीलंकाले १६ ओभरमा १ विकेट गुमाएर पार गर्यो। उसका लागि पथुन निसंकाले ५१ रन र दिमुख करुणारत्नेले नटआउट ५६ रन जोडे।
