आइसिसी एकदिवसीय क्रिकेट विश्वकप छनोटअन्तर्गत सुपरसिक्सको खेलमा श्रीलंकाले नेदरल्यान्ड्सलाई २१४ रनको सामान्य लक्ष्य दिएको छ।
कुनै समय ४ विकेट गुमाउँदा ३४ रन मात्र बनाएको श्रीलंकालाई धनन्जय डि सिल्भाले अर्धशतक प्रहार गरेपछि राहत मिल्यो।
सिल्भाको अर्धशतकप्रेरित श्रीलंका टस जितेर ब्याटिङ गर्दै ४७.४ ओभरमा ११३ रनमा अलआउट भयो। सिल्भाले ९३ रन जोड्ने क्रममा १११ बलमा ८ चौका र २ छक्का हिर्काए। विनन्दू हषरंगाले २० रन र महीश तिक्षणाले २८ रन जोडेपछि श्रीलंकाले २ सय रन कटायो।
त्यसअघि ओपनर पाथुन निशंका गोल्डन डक भएका थिए। अर्का ओपनर दिमुख करूणारत्ने ३३ रनमा आउट हुँदा कुशल मेन्डिसले १० र सदीरा समविक्रमा १ रनमै आउट भए।
चरिथ असलंका २ रन र कप्तान डसुन शनकाले ५ रन मात्र जोड्न सके।
बलिङमा नेदरल्यान्ड्सका भाव वीक र बास डि लीडले ३-३ विकेट लिए। भान वीकले ९ ओभरमा २ मेडन राख्दा २६ रन खर्चिए। यस्तै डि लीडले ९.४ ओभरमा ४२ रन खर्चिए। शकिब जुल्फिकर २ विकेट लिए। उनले १० ओभरमा ४८ रन खर्चिए। रायन क्लइन र आर्यन दत्त १-१ विकेट लिए।
