एसिया कपमा २०२३ मा नेपालले आफ्नो पहिलो खेलमा पाकिस्तानसँग खेल्ने भएको छ।
नेपाल र पाकिस्तानबीचको खेल १३ भदौमा पाकिस्तानको मुल्तानमा हुनेछ। नेपाल र पाकिस्तानसहित भारत समूह ‘ए’ मा छन्।
नेपालले आफ्नो दोस्रो खेल भारतसँग भदौ १८ मा खेल्नेछ। यो खेल श्रीलंकामा हुनेछ।
यस्तै भारत र पाकिस्तान भदौ १६ मा श्रीलंकामा भिड्नेछन्।
एसिया कपको आयोजक पाकिस्तान भए पनि भारतले पाकिस्तान भ्रमण गर्न अस्वीकार गरेपछि खेल पाकिस्तान र श्रीलंकामा हुनेछ।
समूहमा शीर्ष दुई दुई टिम सुपर फोरमा पुग्नेछन्। सुपर फोरका शीर्ष दुई टिमबीच उपाधि भिडन्त हुनेछ।
अर्को समूहमा बंगलादेश, अफगानिस्तान र श्रीलंका छन्।
