इंग्ल्यान्डका तीव्र गतिका बलर स्टुवार्ड ब्रोडले ओभल भइरहेको अस्ट्रेलयाविरूद्धको पाँचौं एसेज टेस्टको समाप्तिपछि संन्यास लिने बताएका छन्।
३७ वर्षीय ब्रोडले इंग्ल्यान्डका लागि १६७ टेस्टमा ६०२ विकेट लिएका छन्, जसले गर्दा उनी टेष्ट इतिहासमा टिम सहकर्मी जेम्स एन्डरसनपछि दोस्रो सबैभन्दा सफल बलर हुन्।
पाँचौ टेस्टमा जित हासिल गरे इंग्ल्यान्डले सिरिज २-२ को बराबरी गर्नेछ। ब्रोडले शृङ्खलामा २० विकेट लिएका छन्, जुन इंल्याण्डका खेलाडीले सबैभन्दा धेरै हो।
अस्ट्रेलियाविरुद्धको कीर्तिमानी १५१ टेस्ट विकेट लिएर उनी एसेज क्रिकेटमा इङ्ल्यान्डका उत्कृष्ट प्रदर्शन गर्ने खेलाडीमध्ये एक हुन्।
ब्रोडले १२१ एकदिवसीय अन्तर्राष्ट्रिय र ५६ टी-२० खेले। २०११ र २०१४ बीच टी-२० टोलीको नेतृत्व गरेका उनले २०१६ देखि भने टेस्ट मात्र खेलेका छन्।
