आइसिसी विश्वकप क्रिकेट लिग-२ को पहिलो त्रिकोणात्मक सिरिजमा नेपालले अहिले नामिबियासँग खेलिरहेको छ।
कीर्तिपुरस्थित त्रिवि मैदानमा नेपालले पहिले ब्याटिङ गरिरहेको छ। नामिबियाले टस जितेर फिल्डिङ रोजेपछि नेपालले ब्याटिङ गरिरहेको हो।
खेलमा नेपालले पहिलो बलमै विकेट गुमाएको छ। नेपालका कुशल भुर्तेललाई नामिबियाका रुबेन ट्रम्पलम्यानले स्लिपमा जेजे स्मिथबाट क्याच गराएका छन्। इनिङकै पहिलो बलमा आउट हुँदा रोयल डक भएका कुशलपछि अनिल साह ब्याटिङमा आएका छन्।
नेपाली टिम : कुशल भुर्तेल, आसिफ शेख, रोहित पौडेल, कुशल मल्ल, भीम सार्की, पवन सर्राफ, सोमपाल कामी, करण केसी, ललित राजवंशी, अनिल साह र गुल्सन झा।
आरिफ शेख, सूर्य तामाङ र देव खनाल बेन्चमा छन्। युएईमा रहेका दीपेन्द्रसिंह ऐरीले आजको खेल गुमाएका छन्।
