आइसिसी लिग-२ को त्रिदेशीय सिरिजमा नेपालले नेदरल्याण्ड्सको दुई विकेट लिएको छ।
त्रिवि मैदानमा टस जितेर पहिले बलिङ गरेको नेपालले दोस्रो विकेटमा नेदरल्याण्ड्सका म्याक्स ओ डडलाई आउट गरेको छ।
उनलाई ५.६ ओभरमा ललितनारायण राजवंशीको बलिङमा भीम सार्कीले क्याच आउट गरे।
उनले २१ बल खेलेर १० रन बनाएका थिए।
नेपालका लागि सोमपाल कामीले पहिलो ओभरमै विकेट लिएका थिए।
उनको बलिङमा नेदरल्याण्ड्सका ओपनर मिचेइल लेभिट शून्य रनमै देव खनालबाट क्याच आउट भएका थिए।
९ ओभरको खेल सकिँदा नेदरल्याण्ड्स २ विकेटको क्षतिमा २६ रन बनाएर खेलिरहेको छ।
आजको खेलमा नेपालको प्लेइङ ११ मा २ खेलाडी परिवर्तन गरिएको छ।
आज करण केसी र पवन सर्राफको स्थानमा दिपेन्द्रसिंह ऐरी र देव खनाललाई ल्याइएको छ।
इन्टरनेशनल लिग टी-२० खेल्न गएका दिपेन्द्रसिंह ऐरी शुक्रबार नेपाल आएका थिए।
